Perawat? PROFESIKAH?

Kayapa kita ne wal? Kita ne jar sudah diakui jadi profesi, tapi lihati pang adalah sudah aturan nang ma atur profesi kita? nang kaya ampun urang tu nah. nyaman jua kalo amun kita bajalan ada sudah rambu-rambunya kada bataha salah jalan. Lawan jua walai urang kada kawa sembarangan marazia, amun samuan sudah dilengkapi lawan bajalan sudah sesuai rambu-rambu lo urang ngalih jua handak mamalak.
Amun kaya wayah ini rambu2-nya buram banar, kayapa kita handak bajalan. Mun buhan nang wani gin kutup-2an, urang nyaman maulah2 aturan pakai mam"prit" kita.
Ayu pang mun pina ada muha jua sadikit bapander pang lawan buhan nang diatas nah, kita jua kalo samalam nang maunjuki "DASI" pakai sidin2 tu. Barangai amun kada kawa banyak sadikit barang supaya ada jua tatampai spanduknya barang.
Salawas ini kita nang manyuntik lawan mambari ubat tapi urang nang maambil (satidaknya umpat jua marasai) duitnya jarnya aku nang ma order jadi duitnya pakai ku ai ikam minta saurang, kayapa handak manarik amun payungnya pakai manarik ni kadada bahujung basah banarai, maka amun basah tu dingin banar mangai sampai nang itu gin umpat takarucut. Lawan jua walai amun urang nang ma ordernya tu ba arti satarusanai kita ni ditunggangi urang, babaya handak badiri di catuk urang di dahi.
Cuba pang buhan kam nang tabanyak "uluran" bahual pang, kita ilmunya ada, manggawinya harat pada nang manyuruh kanapa kada kawa jadi gawian saurangja? apa garang kurangnya.


Saurang ni kawa maidabulja pang, cuba iai kakawanan nang ta pintar apalagi buhan dosen2an pasti tabanyak uluran jadi kawa jua sadikit ba"surah" lawan buhanya tu. Tunggal dikitan tapi ada kalihatan bakasnya jadi kada sia-sia jua bayar iuran PPNI.
Kadapapa pang supaya himung jua dikiau mantri atawa perawat tu. Kasian mun kita dipadahakan "si anu perawat saya di puskesmas" emangnya kita ampunya apa? manggajihja kada, mamadahkan sorang ampunnya kaya "KUCING" ja!!!
Cuba takuni gambar tu pasti takurihingnya.

KABAR KALUARGA KITA

HALO WAL! ganalan sudah anaklah. sehatanja lo. Kayapa nang lain ne. Ni khabar dingsanak kita aluth SANG DIREKTUR dua sudah buntut sakalinya nah tapi mamanya saikungja lolah? jangan pina kaya raja dangdutlah pina sana sini raja bini.
Wayah ini kawan kita ni jadi direktur akper barabai, ujar sidin ni amun ka barabai atawa maliwati barabai singgahja. Amun handak nyaman mancarii sidin ni datangija ka Akper Barabai takunija Bapa ALUTH buhan sana pahaman tu nang datang ni kakawanan bapa.
Pokonya kaya bahari ja jar sidin. Amun handak lengkap profile sidin ni masuki ja blog sidin: Rakarika.BLOGSPOT.COM. Tunah gambar sidin sakaluarga.Mudahan sidin sakaluarga sehat walafiat wan panjang umur, maklumja di angkatan 91 sidin ni pang sasepuhnya panuhanya no 2 sesudah arwah amang imas.
Buhan kam walai kawajua mamposting apaja ka sini cuma kirim dulu alamat email nyaman kena kumasukakan sebagai penulis di blog ini. ok!

MANGGANTI BOOT SCREEN

Munyak jua walai amun mambuka komputer atau laptop, tampilanya kakaitu ja. Paling wallpaper nang di ubah-ubah, tu gin amun ada baisi wallpaper atawa fhoto jua? Apalagi bunyi window waktu hidup atau pas mamatii... jreng-jreng tarus, harau dulak kawan anarmandangRNYA.
Sabujurnya samuan tu kawaja diganti-ganti, tapi ngalih banar amun kaya kita nang kadada basic komputer ni. Tiap hari maurus urang garing lawan jarum suntik, tensi, tempja.
Kada usah putus asa wal ai, wayah ini banyak jar urang sofware pakai mamodif komputer atawa laptop. Ada nang babayar ada jua nang gratis, bisa jua mun handak mancuba-cuba haja pakai software nang trialja. Ada jua wal ai nang babayar tapi sudah ada no serinya gratis atawa ada jua nang disiapkan urang crack nya, downloadja di internet banyak ja nang gratis, tapi badosa pang samaja kaya mancuntan ulahan urang. he.. he...he ... ujar uarang jua pang.
Handak mangganti boot screen lah wal, itunah nang tampilan pamulaan windows nang ada kotak - kotak halus bajalan tu nah, kawa diganti lawan fhoto atawa tulisan apakah tasarah kita ai. Coba pakai "TUNE UP UTILITIES" tasarahja pakai nang 2006, 2007 atawa nang hanyar 2009.
Nyaman ja mamakainya kita kada parlu maubah format fhoto amun handak mamakai fhoto jadi tampilanya, inya bisa manconvert saurangan.

HANDAK TAHU CARANYALAH?
1. Install dahulu tune upnya misalnya nang 2009
2. Masuk ia ka Tune UP nya imbah tu klik Windows customize dijendela kiri
3. klik tune up styler
4. klik boot screen di jendela sebelah kiri, kena muncul boot screen default
5. klik ja ADD, masukan fhoto bila kita handak mamakai fhoto di boot screen kita, caranya klik image di jendela kiri tu lalu pilihai lagi gambar mana nang handak dipasang.
6. pakai mangganti background atau warna tampilan klikja kotak warna dijendela sebalah kiri tu ganti sasuai kahandak kita
7. save ai lagi tulis ngaran file nya
8. bila handak langsung kita pakai klik ja install
9. OK
NYAMAN ja cobai dulu, amun kada dicoba kada bisa, jangan takutan mancuba kada mamatii urang jua. BAH PERAWAT GIN BISA cing. Selamat mancubalah.